Piwitschen go green

Säit Ufank vun Scoutsjoer 2019-2020 hunn d'Piwitschen als Thema "Go green". An dësem Kader wëlle/hu mir folgend Saache méi ekologesch an ëmweltfrëndlech gestallten/gestallt:

  • Eis Aktivitéite wei Sortien a Versammlungen
  • Eis Campen a Weekender (och am Ausland)
  • Eist Home
  • Eis branchen - a gruppeniwwergräifend Fester
  • Eis Kommunikatioun ënnert de Cheffen an den Elteren

Fir eis Scouten ass dëst natierlech näischt Neies! Schonn de Baden Powell huet gesot, dass mir eis Welt e bësse besser hannerloosse sollen, wei mir se virfonnt hunn.

Schonn ëmgesat:

  1. Eis Aktivitéiten:
        • Mir fueren, wa méiglech, mam Bus an Zuch vun der Cap aus op eis Aktivitéiten
        • Mir schaffe mat der GREEN Equippe vun der FNEL zesummen, fir och mol méi ëmweltbewosst an ëmweltsensibiliséierent Aktivitéiten ze maachen.
  2. Eis Campen a Weekender:
        • Mir hunn eis Menüen um Camp méi gesond gestallt. Et gëtt, am Géigesaz zu de leschte Joer, signifikant méi Geméis esou wei vegetaresch Menüen.
        • Mir hunn eisen Undeel vu Bio- a Fairtradeiessen an de leschte Méint eropgeschrauft. Dëst ass net nëmme méi gesond, mee och nach ëmweltschounend!
        • Bauereficelle fir eis Konstruktiounen duerch Ficellen ersetzen déi weider benotzt kenne ginn.
  3. Eist Home:
        • Mir hunn e neie Mülltrennsystem am ganzen Home agefouert. Domat kenne mir eise recycléierbaren Dreck besser trennen a sou d'Ressourcen schounen.
        • Mir si bei der "SuperDrecksKëscht fir Betriber" ugemellt, an halen eis un hier Ëmweltkrittären. Fréistens a 6 Méint kenne mir dofir eng Auszeechnung a Form vun hirem Emweltlabel kréien.
  4. Eis branchen- a gruppeniwwergräifend Fester:
        • Mir bestellen eist Gedrénks beim Depositaire wou mir alles* mat Pfand geliwwert kréien. Mir hunn also kee Plastiksoffall méi, an och vill manner net-pfand Glasfläschen.
        • Mir benotze keng** Styroporsbechere fir eise Glühwäin a sonsteg waarmt Gedrénks am Wanter méi mee eis 30-Joer-Piwitschentassen an eis Feuerzangenbowletassen, déi mir spulle kennen.
  5. Eis Kommunikatioun:
        • Kommunikatioun mat den Elteren & Kanner leeft ausschliisslech per Mail

--> Mir spuere pro Joer min. 1200 Bréiwer a Blieder Pabeier

        • Kommunikatioun mat der FNEL funktionéiert iwwert en online Tool

--> Mir musse keng Deklaratioune méi um Pabeier an d'FNEL schécken. Erspuernes vu mindestens 300 Blieder pro Joer

        • Mir maache Reklamm fir eis selwer just nach digital--> Des fonctionéiert iwwer Facebook, Instagram an de Radio


*alles wat et als Pfandfläschen gett, dovun ausgeschloss sinn z.b Wäinfläschen** mir verschaffen nach eis scho kaaften Becheren, fir se net mussen onbenotzt fortgeheien, wa mir net genuch Tassen hunn.

Coming soon:

  • Secondhand Shop fir gebrauchten Piwitschen- Softshellen, Pullover, T-Shirten, Hiemer a Scoutsbichelcher/Vademecumer
  • Emweltlabel vun der Superdreckskëscht fir Betriber kréien.
  • Eng Smartheizung am Home installéieren, fir dass eis Heizung méi clever a virun allem manner leeft.
  • Velosbadge fir d'Kanner déi mam Vëlo oder zu Fouss op eis Aktivitéite kommen.
  • Fichier fir Fuergemeinschaften ënnert den interesséierten Elteren ze förderen.

Fir d'Zukunft geplangt:

  • 100% BIO-Iessen op eise Camp'en an Aktivitéiten ouni dass se méi deier ginn.
  • Fix Seefespender am Home
  • Just nach biodegradabel Seef a Spüli am Home asetzen
  • Fönner op den Toiletten fir kee Pabeier méi mussen ze benotzen
  • CO2-Ausgläich vun eise Campen an Aktivitéiten
  • Bio an CO2 neutral Piwitschekleeder (Softshellen, Pullover, T-Shirten,...)
  • Zero-Waste Camp

E puer éischt Abléck:

Carousel imageCarousel imageCarousel imageCarousel image

Dir hutt nach Ideen oder Froen?